日式 Tatami 燒肉店@大助

10月16日是我和  Hubby 的週年記念日, 一早大家都已選定了在這問燒肉店慶祝了, 因之前在九龍城經過都見裏面滿座, 而且發現近門口區有 Tatami位, 食物環境都好適合我們, 於是早於10多天前便book定位, 並且要求一定要安排坐 Tatami 呀!

當日並不是周未或假日, 但 Tatami位已滿, 好彩我地一早book了, 否則就無 Tatami位了

超容易在家自己 Baking Brownie

之前有個韓國客送了盒 Brownie Mix比我, 上星期放假在家便拿來整Brownie了, 看完盒上說明, 原來只須將一盒 Brownie Mix 加 50ml 水, 攪完便可放在 230度的焗爐焗20分鐘, 20分鐘後,

睇下....

下面張相便是完成品, 好好味, 外脆內軟, delicious ^^  真係快、靚、正!

觀塘工廠大廈的驚喜

對於shopping我是很愛的, 但不大喜歡行那些大型商場, 因為似乎很多shop已被相同的品牌佔領, 行一個商場已經等於行其他商場一樣, 好無奈亦減少好多興趣了。

近日有機會去左觀塘, 已經好耐無行觀塘了, 之前都係行下 APM, 但APM都無什麼吸引再行了, 今次再去目標係行下啲工廠大廈, 近 APM 對面的開源道有很多工廠大廈是 shopping centre來的, 有的是賣體育用品, 手袋, 又有家品, 衣服, 兒童用品服裝玩具, 還有很多很多, 總有適合可行的, 而且地方較大, 價格也較平宜呢!

今次去左駱駝漆大廈行, 竟然有我至愛的海產店, 在  2/F., 有間海產店有即開即食生蠔, 於是我同 HUBBY 便立刻order 來試, 原本只是想試試幾隻便算, 但初試以後, 便繼續再食了, 我們共食了十多隻呀, 全是法國生蠔, 老闆教我們開生蠔, 重話冬天應該食法國生蠔, 會更清甜肥美, 食完也仍回味無窮, 真係好鮮好爽好正 !

我的第一個口金包

從未想過我會對造口金包產生興趣, 只是有一日發現有個造包包的 App.  無聊中便down來看看, 睇到很多美麗的 DIY 似乎不大難造, 於是便請教同事應如何造好一個口金包, 同事在數年前已開始造口金, 現在她的成品比街上賣的更美, 相信我找對了老師, 她還送了我第一個口金的材料呢, 一切驅使我對口金有更大興趣, 在她指導下, 我終於完成了我第一個成品, 開心又滿足, 難以筆墨形容, 真感激她為我帶來這實用又有趣的新玩意!  ^o^

口金之第一次嘗試自己做紙樣

之前好同事送了些布料給我, 於是自己便嘗試為自己副眼鏡做個眼鏡袋, 由於沒有合適的紙樣, 便大膽地自己用副眼鏡來量呎寸及自己半桶水地學人設計款式了, 步步驚心, 好彩最後造完size 剛fit 自己副眼鏡, 否則就浪費了心血, 當日造到半夜 2 點, 完成後才願意去睡呢!  好有滿足感, 會繼續努力 ^^