觀塘工廠大廈的驚喜

對於shopping我是很愛的, 但不大喜歡行那些大型商場, 因為似乎很多shop已被相同的品牌佔領, 行一個商場已經等於行其他商場一樣, 好無奈亦減少好多興趣了。

近日有機會去左觀塘, 已經好耐無行觀塘了, 之前都係行下 APM, 但APM都無什麼吸引再行了, 今次再去目標係行下啲工廠大廈, 近 APM 對面的開源道有很多工廠大廈是 shopping centre來的, 有的是賣體育用品, 手袋, 又有家品, 衣服, 兒童用品服裝玩具, 還有很多很多, 總有適合可行的, 而且地方較大, 價格也較平宜呢!

今次去左駱駝漆大廈行, 竟然有我至愛的海產店, 在  2/F., 有間海產店有即開即食生蠔, 於是我同 HUBBY 便立刻order 來試, 原本只是想試試幾隻便算, 但初試以後, 便繼續再食了, 我們共食了十多隻呀, 全是法國生蠔, 老闆教我們開生蠔, 重話冬天應該食法國生蠔, 會更清甜肥美, 食完也仍回味無窮, 真係好鮮好爽好正 !

 

那最後2張相片是法國的銅蠔(即 Belon) , 他們稱這是生蠔皇, 是排在最尾食的, 因食落口味較重, 令人回味, 所以價格也是最貴的, 總括當日食之即開法國生蠔, 價錢同質數很合理, 希望下次能再去"蠔" 食一番 ^O^, 最後也叫了老板娘 (唔知係咪真係老板娘, 但佢打點一齊又識介紹各款食物, 又收錢,相信係掛) 幫我選了一公一乸的法國麵包蟹比我買回家食, 老板娘話較大隻的便是蟹公, 公啲榚較軟似啫喱, 而乸啲榚就較實, 所以我買齊2款, 一定無衰, 哈哈!                              

之後再行去對面, 又忍唔住買左長腳蟹回家慢慢歎, 那長腳蟹已經嘆完了, 真係好好味, 用 HK$250 買, 有如此水準, 認真不錯, 好啦, 觀塘我好快會再返來敗過 :)