以下的圖可見"angel Candle", 在 Angel Candle 的左右鋪也很特別, Angel Candle 除了普通蠟燭外, 也有香薰蠟燭賣, 價格便宜, 很大的香薰蠟燭也是數拾元, 另外有很多美麗的 Candle stand, 步入去這鋪很香很舒服, 在它隔離有一間很高檔的家具水晶店舖, 入去行行也見識不少, 很多很別緻的小傢俱也很美, 喜歡它在店舖的玻璃化妝台, 但又是不準拍照的, 我在看了又看及在捨不得的心情下被老公拉走了, 因為這店真的很貴, 眼見有些外國人不停在看, 不停問價及講價, 那老闆娘一毫也不減, 非常堅持! 心想這裡只是假日才開, 但老闆又似乎不大想做生意, 真是奇怪!
另外, 在Angel Candle 另一邊又是一間很得意的服裝及布藝店, 有衣服, 床鋪, 布袋, 頸巾等等, 老闆娘很熱情, 店內一切任試任摸, 又可以訂做, 全部是出口的, 所以可能每款只有一件, 我覺得cushion及床單都不錯, 可惜老闆娘只收現金, 只好下次有機會才能購買了, 另外有一款玫瑰花布質的 Apron很靚, 由於我不是經常入廚房, 所以沒有買下.....
店舖的門口很多座位, 有間小食店可買飲品及小食, 又可休閒地坐坐, 完全沒有其它人騷擾, 真休閒,
很多家具也是用整棵樹做, 很特別, 又可以坐又可以摸, 很重的木做家俱呀!
在門外有間恐龍餐廳, 是我幫佢改的, 因外面有隻恐龍呀!
它是一間有機餐廳, 入面食物全是有機產品, 有興趣可以在入面order食物, 又可以買回家呢!
雖然"紅磚屋跳蚤市場"並不是太大地方, 但感覺很好, 格調不同於一般什架跳蚤市場, 除了我介紹的, 還有間賣紅酒的店舖, 入面賣的多數是智利及南非紅酒, 有平有貴, 他們說買滿 12支便可免費送貨了, 有些很平宜的紅酒, 只須40多元一枝呢!
另外, 我喜歡睇一些園藝用品, 都有好幾間鋪是買園藝用品的, 在看着看着時, 不斷同老公講日後退休我們要搬離市區, 我要創造自己的花園呀!Hehe
如有興趣, 大家可看看它們的網站 : www.yl.hk/ksrsm/
行至黃昏回娘家有盤菜喜宴, 我們一圍10 人, 把整盤都掃光了, 好彩我家姐幫我一早裝滿一大盒, 比我又食又擰, 真幸福~~
見到妳打跳蚤市場,我又諗起動森的跳蚤市場呢~哈哈!!
回覆刪除我都唔知有個咁既市場!!!感覺真係唔錯，唔買野去行下都好好!!
個盆菜好正喎~有咩喜慶事呀?
[版主回覆10/15/2008 14:25:00]好呀, 得閒可以去行吓啦, 都近妳, 個市場係星期五, 六, 日同假期先開架, 有啲賣花盆, 應該妳都鍾意, 同有啲花園擺設我覺得幾靚, 有啲好似樓梯的花盆, 放在妳家的小花園, 一定好靚姐, Hehe
果日係娘家大眾亞公請食盆菜宴, 所以我地成家咪一齊去食囉!
好似幾特別喎，又無乜人，唔係太迫，好介紹!!
回覆刪除[版主回覆10/16/2008 17:58:00]係呀, 真係無乜人, 我想很多香港土生土長的人也不知有這地方, 我也只是偶然上網check到, 再去行行, 之前也不知有這地方呢! 不過聽講好多店舖是成日變的, 可能下次我再去時, 啲鋪都唔同了, 妳有時間就去行下啦, 當去新界一日遊都好, hehe
好似好得意咁啵, 唔知自己搭車要點去呢?
回覆刪除[版主回覆10/18/2008 00:08:00]係呀, 如果未去過會好有新鮮感架, 至於點去, 可以入佢個網看詳情, 有教用其他方法去的, 我已post了有關網址, 可以click入去睇睇