值得一試的法國餐廳

週末朋友約了我到銅鑼灣的法國餐廳晚飯, 因今個月是我生日, 希望為我預早慶祝~~

先來紅酒, 紅酒是我未到前, 朋友要求餐廳開了不同幾支試過後才order的, 這紅酒我很喜歡, 味道很fruity, 很適合我口味~~

之後又來了很脆麵包, 我們吃下整整一籃, 餐廳又送上另一籃, 真客氣了......

頭盤, 西梅伴鵝肝, 嘩, 好食到不得了, 係超好味囉, 這間餐廳水準很好呀!

這是我們另外order的海鮮盤, 好鮮好好味......

 龍蝦湯也不錯.......

主角出場了, 嘩!  超, 超, 超好味的和牛呀, 我第一次食, 不知要幾成熟, 朋友同餐廳的人也說order 3成是最好吃的, 但聽見 3 成, 嚇死我了, 我不能看見血淋淋的肉放進口裏呢!  於是固執的我, 堅持要 5 成,  結果來到時, 看朋友的3 成和牛, 原來係完全不見血的, 入口鬆化, 沒有渣滓, 確是好味, 再試自己的 5 成和牛, 的確口感差了很多, 心中已後悔得很, 所謂出外靠朋友, 真的要信人, 最重要係信可信嘅朋友, 自己受到了教訓, 抵死!

最後來的是我最愛的甜品呀, 心太軟做得又係超好味呀!  Yummy, yummy~~

原來我們的set是包相同的dessert的, 朋友見我喜歡甜品, 於是叫他們轉了甜品mix給我, 今次真的吃得非常滿足呀

最後, 朋友見我咁鍾意, 於是又再order了我的至愛朱古力蛋糕比我帶走, 這個名為Opera 的 cake 由 7 層做成, 是他們介紹的, 相當濃朱古力味, 很適合愛朱古力的我~~

真係唔好意思, 又食又拎潻........

後記  :  雖然這間法國餐廳位於銅鑼灣酒店內, 但以法國餐廳的質素真係價錢很公道, 以我們的SET, 頭盤~鵝肝或海鮮盤, 湯加脆飽, 主菜扒~~有魚, 有牛等, 另甜品, 再有飲品, 都是 每set HK$298, 如果申請了  VIP 更可即是享有 1 年 offer  10% discount潻, 由於我們order 了紅酒, 而且牛扒是轉了和牛, 所以價錢當然比較昂貴了, 而加和牛每位須另加 HK$140, 但真係超好味, 值得一試, 雖然話而家經濟低迷, 但當日這餐廳是全部滿座呢!  也要讚讚啲 Waiter, 好好禮貌, 今時今日真係要有咁嘅服務態度先可以留住班熟客, 有前途, 有希望~~~

大家如有興趣可到法式牛扒屋一試, 可先 Click入佢地個網睇睇先, 希望日後我再有機會去食啦!  Entrecote, 妳等我呀吓  ^-^

網址 : www.wsentrecote.com